माझ्या प्रीत सजनी mazya preet sajni

माझ्या प्रीत सजनी mazya preet sajni

आठवतंय का बघ तुला

माझ्या प्रीत सजनी

जोडी सफेद हंसाची

याच तळ्याठायी देखणी

देखणी तव तूही तितकीच

तितकीच सुंदर मोहिनी

हळुच हनुवटीला हात जाता

तू लाजून ओढलीस ओढणी

आठवतंय का बघ तुला

असंख्य अशा त्या चांदराती

अगणित प्रतिबिंबे चंद्राची

आपण होती पाहिली

याच तळ्याकाठी मग

कमळ फुलांच्या साक्षी

घेऊनी हात हाती

प्रेमगीते जी गायली

मधुर सुरांच्या कोकीळेने

तव साद होती घातली

ऐकण्या मग नर-नारीला

तळ्याकाठी वनचरे दाटली

विसरेन कशी मी प्रियतमा

ती भेट होती आगळी

उभयतांच्या प्रेमाला

फुटली होती पालवी

अशाच एका सांजवेळी

रातराणी होती फुलली

स्वप्ने तव मिलनाची

आपण होती पाहिली

मिनमिनत्या त्या काजव्यांच्या

सौम्य शितल प्रकाशात

तारुण्य होते दाटलेले

डोळ्यांत तुझीया साचलेले

हळुच तुझीया आडोशाला

उभी मग मी ठाकले

कमरेभोवती हात घेऊनी

बेभान तव मी नाचले

जन्मो जन्मीची इच्छा

फळास आज पावली

तू माझा सारथी

अन् मी तुझी सावली

-शिवसुत.

माझ्या प्रीत सजनी mazya preet sajni- खुप दिवसानंतर पुन्हा त्याच ठिकाणी भेट झालेले एक प्रेमी युगूल आपल्या जुन्या आठवणींत रमून गेलेले आहे आणि या कवितेच्या माध्यमातून ते त्यांच्या भावना कशाप्रकारे एकमेकांना सांगतात हे मी सांगण्याचा एक प्रयत्न केलं आहे.