अजूनही कानात माझ्या deshbhakti geet

अजूनही कानात माझ्या… deshbhakti geet

अजूनही कानात माझ्या गुंजताहेत वंदे मातरमचे नारे

हसत हसत अन् चढत होते फासावरती सारे

त्यागला होता संसार

देशच होता प्राण

त्यागले होते तारुण्य

मिळविण्या स्वातंत्र्य

अजूनही आठवताहेत मला ते रस्ते

सांडले होते त्यांच्यावर रक्तच रक्त नुसते

पडले होते देहही

पडले होते इरादे

मात्र आवाज होता कानी

विसरू नका रे वादे

अजूनही आठवताहेत मला ते डोळे

ओकत होते फक्त आगीचे गोळे

हृदय नव्हतेच ते

झाले होते दगड

पाहत होते वाट

तुडविण्या फिरंगी रग्गड

आज तेच आहेत रस्ते, तेच आहेत डोळे

वाट बघताहेत अजून एका उठावाची

मग लागतील तसेच नारे

पुन्हा उठतील पेटूनी सारे

हाती घेउनी मशाली

लढण्या अमानवतेविरुद्ध!!!

-शिवसुत

माझ्या येणाऱ्या कथा कवितांचे अपडेट्स आपोआप मिळवण्यासाठी माझ्या वेबसाईटवर आल्यावर जे पॉप अप नोटिफिकेशन येते त्याला allow करा म्हणजे मी काही पोस्ट केल्यास आपल्याला त्याचे नोटिफिकेशन येईल. माहितीसाठी खाली फोटो देत आहे.

दिनांक २६ जानेवरी २०१० साली लिहिली होती.

या २६ जानेवारीच्या औचित्यावर पोस्ट करावी म्हणून टाकत आहे.